English | Maori
AKORANGA WHĀNUI: Ngā tikanga haumaru tawhito
Whakamāramatanga
He tino matatau ngā tūpuna ki ngā tikanga tiaki tinana, tiaki hinengaro, tiaki wairua, ki ngā momo wai katoa. E tika ana kia whakarite i ētahi haerenga ki ngā momo wāhi wai. Me haere tahi me ngā whānau.
Ko te tikanga o ēnei haerenga ko te whakamahi i ngā tikanga haumaru tawhito, tikanga o nāianei hoki, ki te wai. He maha ngā kaupapa hei hāpai i ēnei haerenga ki te kohi pipi, karehu, waka ama, kaukau, reti ngaru, hī ika.
-
Tikanga haumaru tawhito: karakia, tuku mihi, kaitiakitanga, takoha, mahi tuakana/teina, tamaiti/pakeke, ngā au moana.
-
Tikanga haumaru o nāianei: mau koti whakaora, mau kākāhu ruku, te pānui i ngā mahere huarere me ngā mahere ā ipurangi, te whakamahi i ngā irirangi whakaora.
Whāinga Paetae
Te Marautanga o Aotearoa
Tikanga-ā-iwi
Te Āo Hurihuri 2.1
Whakamāramahia mai ngā tikanga me ngā mahi o ngā tūpuna.
Te Reo ā waha 2.4
Āheinga Reo
Ka mārama te ākonga ki ngā tini āhuatanga o te whakaputa kōrero i ētahi kaupapa motuhake.
Rautaki Reo
Ka whanakē te ākonga i ngā pūkenga o te whaikōrero.
Ka ruku hohonu ki te kaupapa, kātahi ka tika te whakaraupapa i ngā whakaaro e rangatira ai te kōrero.
Hauora
Waiora 3
Ka whakamārama i ngā tikanga me ngā pūnaha haumaru i roto i ngā horopaki huhua.
Taiao 2
Ka kōrero te ākonga i ngā āhuatanga pārekareka o te taiao e pai ki a ia.
Te Aho Matua
Te Aho Matua
Te Ira Tangata
1.1 - No ngā rangi tūhāhā te wairua o te tangata. I tōna whakairatanga, ka hono te wairua me te tinana o te tangata. I tērā wā tonu ka tau te mauri, te tapu, te wehi, te iho matua, te mana, te ihi, te whatumanawa, te hinengaro, te auahatanga, me te ngākau o te tangata.
Te Ao
4.1 - Ko te kāinga te kura tuatahi o te tamaiti. Ki reira whakatupu ai ki tōna āo Māori.
- E mārama ana te ākonga ki tōna tūranga ki roto i te āo Māori, te āo whānui hoki.
- Ka pūmau te ākonga ki ngā taonga tuku iho ā kui mā, ā koro mā, ki ngā wawata anō hoki o tōna whānau, hapū, iwi.
- He kaha nō te ākonga ki te ruku ki ngā āhuatanga o te āo Māori me te āo whānui.
Ngā Iwi
3.3 - E tū poho kereru ana te ākonga ki tōna ake whānau, hapū, iwi hoki. Ka whai koha anō ki ngā āhuatanga o ngā iwi Māori katoa.
3.4 - Kia mohio te ākonga ki tōna whakapapa me tōna pepehā. Ka whai wāhi hoki ki iwi kē atu, ki ngā iwi taketake hoki o tāwāhi.
Wai Puna
Mātauranga
Ko ngā mahi tiaki tinana, tiaki hinengaro, tiaki wairua i te wai (ki mua i te uru, ki roto i te wai, hei te putanga).
Tikanga
Ngā tikanga e haumaru ai te tinana, te hinengaro me te wairua.
Putanga ako
Ka ako:
-
I ngā tikanga tuku iho mo te noho haumaru ki ngā momo wāhi wai.
-
I ngā tikanga o nāianei mo te noho haumaru ki ngā momo wāhi wai.
-
Me pēhea te whakamahi i ēnei tikanga katoa e haumaru ai te tangata.
Paearu Angitū
Ka tāea e ngā ākonga te:
-
Whakawhiti kōrero me te rangahau i ngā tikanga haumaru tuku iho
-
Tirohia me te whakawhiti kōrero mō ngā tikanga tawhito me ngā tikanga hou
-
Tuku i tētahi karakia, tētahi mihi ki te taha wai
Rauemi
Atlases and maps from the school library.
Atlases and maps - from school library
Blank map of local environment
Hei mahi
I pēhea ā tātou tūpuna ki te tiaki i a rātou anō ki te wai? Me pēhea hoki tātou ki te whakamahi i aua tikanga ināianei?
Wānanga 1
Karakia
Tirohia tēnei karakia hei tuāpapa mo tēnei wānanga.
1. Whakawhiti kōrero mo tēnei karakia
Ētahi pātai hei āki i te kōrero: E aha ana te tangata? Kua rongo i tētahi karakia pēnei? E pai ana kia waiatahia ngā karakia? Ko wai te tangata e karakia ana?
a) E karakia ana a Māui ki a wai?
e) Ko wai a Tangaroa?
i) He aha ia i karakia ai?
o) Ka karakia koutou ko tō whānau? I ngā wā katoa? He aha te take?
Wānangahia ia rārangi o te karakia.
Hikitia, hāpainga ki tōku wairua
Tū hikitia rā tōku mohiotanga
kei runga I te Moana-Nui-a
Kiwa Ki te hī ika
Tangaroa
2. Ko te mahi whakamutunga ko te ako i te karakia
Ka whakarite hoki i ētahi mahi ā ringa kia pai ai te ako o te tamaiti.
Wānanga 2
Karakia and mihi
Pānui ā akomanga i te pukapuka Te Reti Ngaru
1. Hei te mutunga, tukuna atu ēnei pātai
Q. I ahatia te whānau i mua i te kuhu atu ki i te wai? He tikanga haumaru tō rātou?
A. Karakia
Q. Ka karakia koutou tō whānau i mua i te kuhu ki te wai?
Q. I ahatia te whānau i a rātou e kaukau ana? He tikanga haumaru tō rātou?
A. Te kauhoe ki waenganui i ngā haki, te kauhoe tahi ngā tamariki me ngā mātua
Q. I ahatia te whānau i te putanga mai i te wai? He tikanga haumaru tō rātou?
A. Te tuku mihi
Q. He aha te take o te tuku mihi? Ka tuku mihi ki a wai?
2. Mahi ā akomanga
- Tito karakia mō tēnei whānau i a rātou ki te taha moana
- Tito mihi mō tēnei whānau kia tukuna atu i mua i tō rātou wehenga
E pai ana kia uru mai ngā kaupapa tawhito (te koha, kaitiaki, rāhui, taniwha) hei hāpai i ēnei akoranga.
Wānanga 3
1. I pēhea ngā tūpuna ki te tiaki i te taiao?
Wānanga tahi ngā tamariki me ngā kaumātua i ngā tikanga tuku iho mo te tiaki taiao. He pai ake kia wānanga ki
te taha wai, ki te marae raini.
Wānanga 4
He aha ngā tikanga haumaru o nāianei?
1. Whakamahia ngā kāri whakaahua
Ko ngā whakaahua e whakaatu mai ana i ngā whānau o nāianei. E ai ki ngā āhuatanga o te whakaahua, whakawhiti kōrero
- I ngā tikanga haumaru (karakia, rāhui, kaitiaki, mihi, koha, taniwha, koti whakaora, kākahu ruku, hangarau)
- I ngā mātauranga mo te noho haumaru (te taiao, ngā tohu huarere, ngā ngaru, te au moana, taniwha, kaitiaki, ngā whetū, māramataka, tipua)
- Ngā āhuatanga ōrite, rerekē hoki, ki ngā tikanga tuku iho.
- Me pēhea tātou e whakamahi i ngā tikanga, mātauranga tawhito kia tiaki i ā tātou i ēnei rā?
2. Ka puta i ngā ākonga tētahi pikitia pakitara e whakaatu mai ana i ngā momo tikanga
Wānanga 5
1. E tika ana kia whakarite i ētahi haerenga ki ngā momo wāhi wai.
Me haere tahi me ngā whānau. Ko te tikanga o ēnei haerenga ko te whakamahi i ngā tikanga haumaru tawhito, tikanga o nāianei hoki, ki te wai. He maha ngā kaupapa hei hāpai i ēnei haerenga.
Kohi pipi, karehu
Waka ama
Kaukau
Reti ngaru
Hī ika
- Tikanga haumaru tāwhito: karakia, tuku mihi, kaitiakitanga, takoha, mahi tuakana/teina, tamaiti/pakeke, ngā au moana.
- Tikanga haumaru o nāianei: mau koti whakaora, mau kākāhu ruku, te pānui i ngā mahere huarere me ngā mahere ā ipurangi, te whakamahi ngā irirangi whakaora.
2. Ka whakaputa i tetahi pikitia pakitara e whakaatu mai ana i ngā momo tikanga tawhito me ngā tikanga ō nāianei
Aromatawai
- TI ngā haerenga, ka whakaatu mai te akonga i ngā tikanga tuku iho, ō nāianei hoki e noho haumaru ai te whānau.
- Ka puta mai he pikitia pakitara e whakaatu mai ana i ngā momo tikanga tuku iho me ngā tikanga ō nāianei.
Flashcards
Please see separate file in reference to wānanga 4 activity
He mahi hei tāpiri
Kōwhiria e te akomanga tētahi wāhi wai. Me tū koutou hei kaitiaki o taua wai.
